喺沙漠嘅時光過得特別快, 話咁快我哋就已經結束左今日嘅沙漠體驗日,原來做沙系女孩是超辛苦的, 係時候要返返去營,肚子超餓,今晚我應該連隻牛都食得落。 在沙漠中有咁樣的洗手間算是超豪華啦, 雖然D水係慢慢流出來, 但是我們都洗到個頭, 沖到個身, 姐我十分滿意, 不過冬天來的話, 就比較辛苦, 因為是冇熱水沖涼㗎! Bedouin lifestyle camp營地真係可以稱得上五星級之家,除咗冇Wi-Fi之外, 佢嘅設施係十分齊全,好似我哋嘅帳幕係有私人嘅洗手間同shower, 你冇聽錯係shower, 喺沙漠裏面可以沖涼係十分奢侈嘅享受吧,姐姐我今晚可以做隻香香豬, 而且帳篷裏面都有插電嘅地方,同埋有大量嘅被,因為沙漠嘅夜晚係會變得好凍,日夜溫差很大, 雖然日間非常熱但係都要半夜就會變得好凍呀。 點擊圖片放大 你冇睇錯在沙漠的夜晚真的冷到係要用呢D厚皮㗎, 所以來沙漠旅行記得要帶件外套, 冬天甚至會用得上羽絨 整個camp坐落一個大山嘅山背,分為三大部份,有兩個係住宿嘅營地,一個就係夜晚舉行營火晚會嘅地方。其實導遊哥哥有問過我哋唔想係星空下露營,你萬千嘅繁星擁抱下瞓覺,其實應該好浪漫,好可惜今次我哋係兩個女仔一齊,都係留返係營地嗰邊好似安全啲,希望下次有機會可以sleeping under the stars。 來到沙漠究竟晚餐會食啲咩?登登登登就係貝都因人沙漠限定傳統美食,沙漠BBQ, 廚師在下午時就將大log嘅肉蔬菜埋在沙中, 用柴火和太陽慢慢烤熟啲食材,我哋係等緊食嘢嗰時, 當然亦都會同其他營友chic chat, 分享下大家嘅旅行所見所聞, 整晚嘅氣氛都係非常之融洽friendly, 周邊嚮起傳統音樂, 以及無限提供的mint tea, 可以認識唔同地方唔同背景嘅人絕對係一個非常好嘅旅行經驗,我覺得自己好似返返去大學時嘅營火晚會一樣,成個人變得後生,好有讀u的感覺,正,一流! 我們的晚餐全部埋在這裡, 快D快D開啦! 慢慢將D沙整開, 再拿走蓋在上面的布, 嘩我們的食物出土啦 今晚的美食終於ready, 全部人都都圍住個沙堆,等我們的BBQ出土,出土儀式開始,嘩當廚師打開啲錫紙時,啲肉味同蔬菜嘅甜味漂晒出嚟,即時流晒口水不過秉承相機先食的原則,都是照左相先講。賣相香味都超正,唔知味道係點呢? 點擊圖片放大 wow !! 因為slow cook所以D雞肉好嫩呀,而D蔬菜亦好甜,好好味,不過雞肉每人得一塊,真的有點少呀,因為真的好好味呀, 我想添食呀!除了有BBQ外,傳統的鷹豆湯,Hummus,同salad都好好味。大家圍坐在營火旁,營內的貝都因人演奏起來,為今天完滿的一天畫上句號。 親身去過WADI RUM沙漠後,我絕對強烈,大力推薦你,來約旦旅行一定一定一定(重點係要講三次)要來WADI RUM沙漠,親身感受沙漠的壯闊美麗,被繁星包圍的寧靜,和貝都因人一齊BBQ的興奮,你會被眼前所見的一切所驚豔。我所求嘅就係心靈上嘅平靜,好耐冇試過咁放鬆笑得咁開心,今天雖然係超用體力,係沙漠有冇WiFi, 但比起匆匆忙忙嘅城市生活係更加開心更加滿足。