在WADI RUM冇一舊石係無可能爬不上去!我們就是這樣沒有任何工具或者救生繩索的情況下徒手爬上去,驚唔驚?玩果時梗係唔驚,不過真的要盡力而為就好 其實真的很高,企在上面D風大到呢 你以為行石橋真是行過去,哈哈邊有咁易呀,我們今天下午會挑戰兩個level, 第一道石橋大約有三四層樓高,唔算太斜,上山的可以分開兩層,自己都可以看到條路,所以慢慢爬上去就ok, 基本上D沙岩一點都不滑腳,難道不高,很容易便可爬上去,看到的沙漠真是好美。 嘩咩咁高咁斜架,都是先做下熱身拉拉根先,跟著就一野衝上去,YEAH! 我地咪就係好似下面張圖咁半爬半行咁上去,過程是需要體力,勇氣和膽色,如果你畏高的話真的不要試! 點擊圖片放大 但第二道石橋就冇咁容易啦,第一條只是開胃菜,呢條才是主菜,它大約八層樓高(呆左,心想跌落來唔死都幾難),而且四邊都好斜,完全睇唔到點上去,我望住導遊哥哥,佢應該感覺到我的迷茫吧,佢手指指右邊,哦爬上去後靠右邊爬,咁就會搵到條小路再爬上去。好,唔考慮咁多,一於一鼓作氣爬上氣,心口一個勇字,在冇training, 無工具下就徒手爬岩,哈哈,我覺得今天自己好像變左個人,平時我係好lady好elegant㗎,點解一來左Wadi rum好像變左個super woman㗎。見山爬山,見岩又爬,哈哈,原來姐姐我好有野外求生的天份!咁就,手腳並用爬左上去啦!在石橋上係好大風,看到的沙漠係無盡頭非常之廣闊,蒼涼偉大,放眼見到的只是紅紅的沙,和起起伏伏嘅岩石,人在呢個世界真的變得非常非常渺小,好感動呀!可以看到這樣的景色,感謝神俾我有呢個勇氣爬到上嚟!我知道我會一世都唔會忘記今日在石橋上感受到嘅風,看到的景色。我實在太幸運,有咁嘅體力同埋勇氣爬到上嚟,不過而家就要諗下點樣下山,唉呀,真係上山容易落山難。 點擊圖片放大 㴝到沙漠點會錯過係呢度嘅黃昏日落景,喺沙漠睇日落一定非常非常浪漫,導遊哥哥車左我哋去一個渺無人煙,荒涼空曠嘅地方跟住叫我地爬上座山上面等日落,OK 經過今日一整天嘅特訓我覺得自己絕對係徒手攀岩嘅高手,一於再一次手腳並用三扒兩撥就上咗座山,搵個好位,靜靜地等日落降臨,這刻這個世界真的很寧靜。沙漠嘅黃昏景色真係特別凄美,變得深紅的太陽,將整片沙漠都照要成深紅色,原來夕陽西沉就只係係一瞬間,當太陽一消失在水平線下,整個世界亦極速變成黑暗,物轉星移,萬里嘅星空亦都慢慢出現喺天空上。我哋係時候要返營地啦!沙漠特色BBQ整在等我們!超期待營火晚會啊! My YouTube channel - wadi rum https://youtu.be/WIXN2knPJPY