WADI RUM一個有如月球表面的紅色沙漠,它比起其他沙漠更美更精緻吧,除了有一個又一個的大大小小沙丘外,它更擁有一個個很獨特的岩石,整個世界就像Star war 中skywalker長大的星球一樣,當我騎著駱駝踏入這沙漠後,就覺得自己好像去了外星一樣,一路幻想可能隨時會有怪獸爬出來攻擊我們,其實我真是超鐘意看科幻片,出發時,我仲係飛機重溫異形系列的聖約篇,呢度咪就係呢DFeel。我們騎了駱駝大約一個小時,finally到左今天第一個目的地 - LAWRENCE SPRING。 騎駱駝應該係入沙漠的指定動作,雖然jeep係快好多,但是覺得騎駱駝有feel d! 其實所謂的Lawrence spring 係一個叫Lawrence 的英國將軍在帶兵入約旦時途經一個水泉,咁樣呢個水泉就叫Lawrence spring。由這裡望出去就是出名的 Lawrence Spring ! 騎着駱駝入沙漠, 再在這個充滿異國風情的帳幕喝上一杯薄荷茶, 呢D咪就是旅行 我們係騎駱駝到達這裡的,一落駱駝就被個guide帶入大帳內幕,一邊叫我們drink tea(之後這種茶我們飲左數十杯)一邊講解今天大約的行程。講起DRINK TEA, 呢個係貝都因人的文化,係沙漠中每每有客人來訪,就會請佢地飲杯茶(其實都幾似我們中國人,一見到客人就話飮杯茶),基本上每個帳篷都一直會用柴火煮一煲,冇錯係一大煲的茶,呢煲茶唔係普通的茶,它是用BLACK TEA, 加上 MINT和一大堆不知名的desert herb煮成,點解我會知?哈哈因為姐姐我買左一大包返黎煲囉。其實呢杯茶的味道係點呢?有D似牙膏的薄荷味,外加少少甜,雖然天時暑熱以為飲熱野會熱到暈呀,但呢杯茶卻出奇地解熱,飲完杯熱辣辣嘅嘢反而覺得涼左,果然呢啲咪係沙漠人嘅生活智慧。 沙漠中的人是超級好客, 總是會為客人奉上一杯熱茶, 為你解暑熱 在Lawrence spring 如果你要看更美的風景就請加油向上爬,見到座山嘛,無錯我哋就係要爬上去睇風景,其實條路都算易爬唔算好驚險,原來呢個先至係今日嘅序幕,呢個沙漠行真係只係適合後生仔來參加,因為今日係不斷不斷不斷咁爬上大大小小嘅山。加油,上山啦!上到山之後見到嘅景色果然好壯麗,成個星球大戰嘅場景咁。入沙漠真的唔好着拖鞋,記得要着返對舒服嘅鞋啦,因為今日係要做蜘蛛俠!好睇完Lawrence spring我哋就繼續坐住四驅車行沙漠進發! 果然爬了這久高的地方看到的風景是特別美和壯觀, 下面便是 Larence Spring 其實係沙漠坐四驅車嘅感覺真係超正,雖然無遮無掩,有冇冷氣,啲風吹埋你又整亂晒個頭,但係就有一種好自由自在無拘無束嘅感覺,同埋覺得自己真係喺度探緊險(雖然是join tour, 自我感覺超良好), 不過喺呢度姐姐提提你入沙漠太陽眼鏡係必需品,冇咗佢應該連眼都打唔開。話咁快我哋就到咗大沙堆,準備去滑沙啦! 姐就是要爬上這個沙丘然後滑落黎, 大熱天咁高運動量是超辛苦 爬上沙丘要十分鐘, 滑落黎唔使三十秒, 玩多次咪即是要再爬沙滑? 其實滑沙同滑雪一樣最辛苦係爬上座山,滑雪都還好啲,因為大多數都有電動扶梯帶你上去慳返啲力,滑沙就冇咁自在啦,你要自己拎住塊板,爬上座沙丘再滑落嚟,其實爬上去已經攞咗姐姐我半條老命,因為啲沙軟綿綿又滑滑的,行上三步會蹆後一步,仲要拎住塊重重嘅板,末上到去就已經成身汗,好啦終於上到去啦發覺原來塊板嘅鞋係冇得固定, OMG唔係上到先至話玩唔到啊, 姐姐我一於唔理三七二十一,唔直接踩住塊板就咁滑落去,好勁架,滑左超過30米先至碌咗落堆沙度,因為有搽太陽油嘅關係所以D沙特別癡上身, 果刻我覺得自己好似隻天婦羅蝦,樸完炸粉準備去炸,不過滑沙真係一個幾好嘅體驗,有啲辛苦不過唔好錯過。 在峽谷內爬來爬去係超好玩, 行呢個峽谷唔使十分鐘就完成 呢個峽谷其實是爬上爬落, 有好多地方是要手腳並用, 是需要好多體力, 不過如果你喜歡 wild life, 那麼你一定會愛上這裡, 詳細可以click下我的 video https://youtu.be/WIXN2knPJPY 滑完沙我哋轉一轉場景去行峽谷,先去行BURRAH CANYON 然之後會再到 BURDAH CANYON, 行峽谷最大嘅樂趣就係你係要手腳並用,因為你要爬上大大細細的石頭先至可以去到出口,老實講呢個活動係真係要用體力,不過過程非常有趣,經過今次,我先至知道原來我都有做野人嘅天份,上山落山完全難唔到我,我完全變身做一隻猴子, 跳下跳下咁又嗰度啲山。呢個沙漠真係好似冇其他人架,我全程都冇咩撞到人,玩到幾癲都冇人理,完全可以享受野外嘅生活,好有野外求生記嘅感覺,對一直生活喺城市嘅我,呢一次係好難我同好難得嘅機會。 點擊圖片放大 在沙漠中可以吃到這樣新鮮熱辣辣的食物, 很幸福啊! 佢是一個超好人的 guide, 會揸車, 會煮飯, 會煮杯, 會照顧女人, 好男人一個 一朝早爬咗一次山,滑埋沙再行峽谷,消耗左大量體力係時候要去食嘢啦,不過係沙漠中間係唔會有餐廳呢一個item, 我哋貫徹今日嘅主題-野外求生記,導遊哥哥將架車駛去一坐山下,便叫我們幫手將張大餐布拿出來,跟著他再從車內拿出幾包餅乾,幾枝juice和一些小食,我以為今天的野餐就是食呢D啦,sorry我實在太naive, 當我們已經攤在野餐巾上休息時,導遊哥哥好像有魔法般,再在車頭拿出一些工具和一個木箱走去山邊,跟住便自己在忙忙碌碌咁set緊D野,好奇心驅使下我走去睇睇究竟做緊咩,嘩啦啦,不得了他正在切緊D蕃枷,洋蔥,另一邊也set好個爐,準備野外煮食,好amazing呀,佢竟然席埸在沙漠中煮一餐給我們,好感動呀!在沙漠中,我們享用了一餐有吞拿魚,橄欖,Hummus, onion tomatoes soup和pita bread的豐富午餐,太幸福吧!吃完午餐,energy back, 姐姐下篇便是要去挑戰兩道Arch bridge. GO GO GO!!