話你聽,來約旦如果無體驗過沙漠,可以話俾你知,你錯過了約旦的hidden gem! 由細到大都對沙漠有種莫名的嚮往,充滿著很多幻想。在漫天風沙,烈日下騎著駱駝在沙漠中流浪,整個世界除了自己還只有自己,感受到無盡的自由自在,雖然人在這裡變得十分渺小,但心靈會變得廣闊吧。 一直以來的旅行,雖然都有入過沙漠,但是都是些玩玩沙漠四驅車呀,滑下沙呀。所以決定來約旦旅遊時,要做資料搜集,一search Jordan,除了會彈出佩特拉之外,WADI RUM (中文名叫瓦地倫)亦是即時出現,一click入去,嘩不得了,好靚呀,紅色沙漠呀,充滿了浪漫感,而且仲要係世界文化遺產,它因為特殊的風化現象,造成獨特的山谷地貌,擁有聳立嘅岩石同埋紅色嘅地表,極似月球表面,所以亦稱為月亮谷。這裡是以擧爬和建行出名的,再加上可以體會貝都因人沙漠文化,正呀,姐姐我一定要去!一於做足資料搜集,睇下wadi rum有咩玩,可以點玩。今次要勇闖WADI RUM, 姐姐我來啦! WADI RUM亦是位於約旦的南部,和AQABA 離大約一個小時的車程,而由佩特拉前往亦大約個半小時左右,所以建議可以由安曼先到佩特拉,再前往WADI RUM, 最後可以到Aqaba 享受紅海假期或者再過境到以色列吧。 去沙漠當然唔會儍更更地話自駕遊啦,入到沙漠應該連有GPS都救你唔到,個個沙丘差不多,唔迷路才怪,不過最重要是WADI RUM規定外地人入沙漠一定要有貝多因人帶路,這樣可以確保貝都因人因為wadi rum被入選為世界文化遺產成名後,可以分享到旅遊的經濟利益吧。 ANYWAY, 唔理什麼原因我都要搵local tour, 首先我們大約有兩日一夜的時間,想可以騎駱駝,用jeep, 可以滑沙,最重要是可以有地方沖洗自己(估計在三四十度下應該會爆汗吧,有得沖涼唔勢做隻臭豬),OK係trip advisor 搵到幾間不同的local tours, 大致上行程都是差不多,一定都會行下峽谷,爬下石橋,跟住夜晚會有營火晚會,雖然行程差不多,不過夜宿的帳篷,食物的質素就會因為價錢嘅不同而不同,有些較平的tour是冇得沖涼和熱食,品質好唔好,舒唔舒服都會影響到成個行程的experience吧。 係咪好luxury的帳篷呢,係沙漠中可以沖到個涼洗到個頭,想點呀 我深知自己已經過咗backpacker的階段,吃不到這麼多的苦頭啦(年紀大嘛),所以去旅行盡可能舒服一點,最後我們決定搵唔係最平亦唔係最貴,不過口碑好的Bedouin lifestyle camp, 它在trip advisor 有五粒星,又見到其他人嘅留言都係正面,雖然一個兩日一天 camel plus jeep(有私人洗手間)的行程收 JD100 (HKD1200), 真的唔算平,不過這兩日一天卻是我畢生難忘的回憶,他們的服務實在太奉,令我完全可感受到在沙漠中獨有的自由自在,highly recommended 俾有興趣的你呀!來WADI RUM 真的可以跟 Bedouin lifestyle camp, 我們一直都用email聯絡,到步才俾錢,美金或者JD都OK,不過提提你, WADI RUM是冇ATM, 請準備好cash啦。 由佩特拉去WADI RUM只有兩個方法,一是的士(大約JD45, 約旦車費好貴喔),或者撘每一一班的巴士(JD5-7 因應人數,不過就超早起行,開六點),我們為了慳錢,諗都唔勢諗,梗係巴士,橫掂平時都慣四五點起床返工,早起少少only, 未驚過,架巴士是在book tour 時, bedouin lifestyle camp 幫忙訂的,大約六點半左右在酒店pick up, 亦是上車俾錢,記得要有cash在身。由佩特拉去WADI RUM大約兩個小時車程,途中會停一停,記得買點pita bread 或者小小食物,因為今日你是會消耗極大的熱量,完全是Cardio burning day, are you ready? BEDOUIN LIFESTYLE CAMP WEBSITE http://bedouinlifestyle.com/mobile/Default.aspx?lan=en 2 days jeep safari with 1 hour camel ride: http://bedouinlifestyle.com/mobile/pages.aspx?id=28&lan=en 入WADI RUM 是要付5JD入場費,如果你有Jordan pass, 咁個5JD就可以慳番,因為係包括在內的。我們今天第一樣的行程就是騎駱駝入沙漠,好興奮啊,咁大個女都未騎過駱駝,雖然成日在機場聽到AA的廣播,「因中東呼吸綜合症的關係,外遊時請不接觸駱駝」,哈哈,姐姐我一於好少理,在沙漠騎駱駝去冒險完全是我兒時的夢想,中東呼吸綜合症,是冇可能阻止一個以玩大個天的我,駱駝我嚟啦。你以為駱駝好友善,少年你實在太年輕啦,駱駝其實是脾氣壞又記仇,你真是唔好得罪牠,首先如果佢噴你口水,恭喜您啦果陣味是超嗅,而且牠們絕對是君子的朋友,記仇記足你十年,如果你之後在沙漠遇險,又咁好彩遇到呢隻得罪過的駱駝,你要佢救你,哈哈,你等死吧! ANYWAY, 姐姐我依家就上駱駝,向著紅色沙漠出發!駱駝其實是好高,騎在牠身上看到的世界變得不一樣,我們搖搖擺擺地向著一片荒蕪的紅色沙漠前進,慢慢地遠離文明世界,走進一片紅色的原始世界,冇電冇wifi冇toilet, 正式展開二日一夜的沙漠體驗之旅,究竟作為一個從少生活在metropolitan 的城市公主,可唔可以適應到沙漠克苦的生活呢?究竟這兩日我們看到什麼,有沒有驚險事發生呢?在下一篇就會揭曉啦! YouTube channel: https://youtu.be/WIXN2knPJPY