旅行就是這樣,在沒有規劃下可能因為一牌廣告牌,一句說話,一刻的衝動,便會起身而行。這就是旅行的勇氣吧! 前文提到姐姐我在monastery cafe 飲完咖啡,休息夠之後,便想四處逛逛,找找影相的好位子,睇下冇冇D秘位,等一陣會介紹影monastery 的最佳位置。咁樣咪一直向前走,忽然間被一些指示牌吸引了我的眼睛,「TOP OF THE WORLD, BEST VIEW IN PETRA」, 嘩呢度有世界之癲?又有最佳景色?咪玩啦,華山論劍咩?有什麼風景可以用最美來形容,人就是這樣,充滿好奇心,寫到咁誇張,真心想睇下佢的盧山真面目。 跟著姐姐行上山,你見到左邊個枝旗,就是THE TOP OF THE WORLD, 真的不太遠 咁多個牌都話係Best View,究竟有幾多個best view, 我們究竟要揀邊個好呢! 好,一於再往山上行,這的路全是dirty road, 不算太難行,不過烈日曝曬下,真的有點辛苦,其實沿路有幾個這個牌子,都是話自己是TOP OF THE WORLD, 既然明知係大不如是,我們決定去一個較近的,慳番D體力吧。徐徐上了一座有小山,放眼望去是綿綿不斷的蒼涼山谷,和獨獨間小cafe坐落在懸崖邊。OK, 風景是壯闊蒼涼,但用TOP OF THE WORLD來形容,點樣係最高呀?BEST VIEW OF THE WORLD,確實風景都幾靚,不過best view實在太騙人,果然好奇心是最好吸引人的武器,少年你真的太年輕,你又上當吧!不過我覺得既然一場來了遙遠的約旦,只是多走幾步,又何妨呢!旅行嘛,就是要用盡體力去體驗這個地方,就算是被騙,也不失為一個難忘的回憶。 點擊圖片放大 其實所謂THE TOP OF THE WORLD, BEST VIEW OF PETRA, 都是一個gimmick, 吸引你來幫襯吧,其實人家咁有心,又有創意,對住個咁荒涼壯闊的景飲杯咖啡也是一樂吧!我對住呢個景確實身心特別平靜。所以有機會一定要再走多一點,dun miss it ! 想找最佳睇monastery的位?完全冇人會遮到你,原來就是在cafe的屋頂,爬上cafe的屋頂,可以看到最美的monastery,提提你,右邊個間屋比較容易爬。 玩夠,行夠,看夠,時間亦到晚了,係時候要落山吧。我們是星期五上山,原來Friday night全世界都一樣,晚上在monastery會有party喎, 當地的男人不斷叫我們留下參加party, 他們真的當姐姐我儍,一入夜好明顯這是伸手不見五指,你話安全我一丁點都不信,我們還是在太陽還末落山快快起行,回家去! 行左一日,好想去The rock(係正Petra visitors center的旁邊) 飲杯cocktail再食點BBQ, 今天運動量超大,現在已經肚子鼓鼓聲,呢刻我真心想食肉。一於頭也不回直衝落山, 再見佩特拉,你是一個令我驚豔的遺跡!