天然護唇之道

瀏覽人數: 1780

上回提到天然護膚之道,今次講下我最緊張嘅「咀唇」!

身體皮膚好似家父,不過咀唇似足呀媽!應該係呀公先係…
天生上唇唇色深,人人都以為我中咗毒咁…..
偏偏咀唇又厚,搞到好似潤腸咁…
IMG_5753
今次朋友整咗潤唇膏俾我,又可以試試有無用啦!
所有成份都選用「食品級」、「美國農業部有機認證」、「GRADE A」等等物料製造。
種種成份做出「不含防腐劑」潤唇膏!

有機黃蜂蠟 (USDA organic 美國農業部有機認證):具抗菌功效、有助鎖住水份、滋潤皮膚。

有機未精製乳木果脂 (Grade A):滋潤保濕效果極高、具抗老化、抗發炎、軟化皮膚、修護及防曬功能。

可可脂 (食品級):能代謝老化角質、促進細胞再生修復、具抗氧化功效、能減淡唇紋、令雙唇飽滿、聞起來還有淡淡的可可味道。

初榨橄欖油 (食品級):含天然維他命E,具促進皮膚細胞新陳代謝及有防曬作用。

酪梨油 (食品級):營養度高、保濕力強、可滲入肌膚深層、令雙唇彈滑粉嫩、減淡唇紋、親膚性極佳、不易刺激幼嫩肌膚。

甜杏仁油 (食品級):能舒緩刺激、易被皮膚所吸收、溫和保濕。

以前用過好多種牌子嘅潤唇膏,無論係日本、香港著名品牌、外國都有….
不過今次呢隻「天然潤唇膏」令到我嘅咀唇好有突破性進展!

IMG_5755
包裝好簡單,背後有提示「開封後三個月內用畢」!
對於我呢種慳住用嘅人,1日內會更加搽多幾次!
搽上咀唇嘅時候,有淡淡朱古力味(可可脂)!
我會來回搽幾次先罷休,咀唇即時有光澤。

IMG_5756
我只選擇夜晚臨訓先搽,因為好驚帶出街整唔見。
用咗差不多2個月,發現角質少咗兼薄咗。
就算有1次整損咗咀唇,修復能力都好強,2至3日已經痊癒!
1路以嚟都發現咀唇紅潤咗、上唇黑色素好似都有減淡咗跡象。
就算真係無搽1晚,甩皮都無以前咁明顯。

IMG_6383IMG_6384

價錢嚟講,35蚊都好公道!
好多品牌平過佢,都無咁好嘅效果。
用咗2個月,都仲有3分1未用哂…
睇嚟又要每晚搽多幾層先訓啦!

請多多支持妮妮手作香皂小天地

This entry was posted in 其他 and tagged , , . Bookmark the permalink.