上回講到已經遊完Katong 要出發去Geylang 當然我地又係坐巴士去啦 Geylang有咩做?? 咪就係食蟹同榴槤 先去旺德福食榴槤 榴槤卡路里好高,唔敢多食 但就真係軟林林,香噴噴,齒夾流香嫁~~ 抖左陣又周圍行左陣就去食蟹啦 去新山亞明食 無去出名的鋪頭食蟹係因為o個D實在太貴 唔值得,所以就揀左呢間,平貴自己揀 一黎到就會見到佢有幾桶蟹係度 講到明幾多錢幾多隻 平的就細隻D,貴的咪就係大隻D囉 最後因為我地得兩個人,都唔食得多 叫左下面黃色的中等size就等食啦 上枱的一刻真係好香好吸引呀 白胡椒的香味辣味分量岩岩好,唔會蓋過蟹的鮮味 鍋氣十足,D蔥係超好味的 食完手指上的汁都唔放過呀 食飽就搭鐵番番去Bugis啦 去左Fair price 行左行,點知一行完就落極大雨 大雨到不得之了,走又唔係,唔走又唔係 等呀等,終於細雨D就拿拿聲番酒店 Facebook: Peppa 手作美食遊