大阪的住吉大社係大阪人心目中好重要,雖然佢唔算係旅遊熱點,但黎左大阪成年啦,終於都決定去睇下。 係天王寺坐路面電車去到住吉只需要20分鐘,相信一般遊客都好小會坐。有d似香港的輕鐵。 由於中係新年期間所以好熱鬧好多檔攤。加上我去呢日係日本假期成人之日,好多靚仔靚女完成成人禮就黎影相嫁呢。 係大社入面其實包含左好多小神社,咩都有得拜下,最緊要有心。平時應該冇咁多人,大家怕悶最好都揀番係有event個時先好去啦。想寧靜就可以平日去。 亮點:神宮大麻。日本漢字用中文去解真係有唔小笑話XD 無論去左幾多個神社都要抽番支… 雖然佢寫黎寫去都係個d,但係我想讚呢到d紙質地好好,唔係普通紙好似和紙咁樣。 行到一半見到好多人係到唔知等咩,原來係等被掉餅,應該係掉中就有福氣咁ge意思。睇番下面條片會比較清楚。 兩個都中餅,但係我唔敢食…神呀原諒我吧 平時大家寫上願望的木條就會係到燒左去,好大煙一班阿伯係到燒呀燒呀。 隔離就係住吉公園,當日天氣唔係好好,影左幾下相就走人。其實個到有好大的草地又可以租單車,係個唔錯的公園。 如果有興趣就睇埋PLAY BACK啦。 https://youtu.be/ivFFUPLntZw 新年行大運請看我的面書: https://www.facebook.com/ami7.sevenkahei/