係香港我養左三隻狗,亦都係令我最掛心。情人節前我呢D摺友一定要去治療下心靈!從其他香港人得知我屋企附近有間狗狗cafe,而且佢地都係被遺棄的狗狗。即刻愛心爆發,今日放假就去啦~ 先講一下題外話,部單車岩岩拎番黎,嚴格黎講係寄放係我到。由於我係香港唔識踩單車,黎日本之前2個月先專登學。係日本第一次踩個時我都糾纏左一陣先叫勉強踩到去車站買野。今日係第2次踩其實都係20分鐘內的路程。我醒目啦呢次,揀條冇咩車冇咩人的路,終於安全地到步。(識踩單車ge人係唔會明一個廿X歲先識踩ge人係幾咁可憐) 未入去已經好7咁唔識開門,好彩有個日本仔幫幫手,因為係屋企已經食左野所以都係點杯野飲,坐下啦。 由於店員以為我係同鄉又或者覺得我日文會好流利,所以係咁同我介紹d狗,我都係微笑回應。不過我知呢隻狗個名叫PUNCH,係一拳超人個PUNCH呀! 呢隻叫みかん,姐係蜜柑。真係糖痴豆咁痴住我。可以因為係女仔黎啦。希望佢都可以快d有個家啦。 中有我好中意的柴犬叫Yuki。我都係第一次同柴犬咁近接觸,超中意佢呀T=T 雖然佢係我面前小便XD 坐左成粒鐘因為開始多人我就走啦。今日真係好滿足,好耐冇抱過狗仔好感動;終於同部單車有人車合一的感覺XD つづく facebook page:https://www.facebook.com/ami7.sevenkahei/