一直都想為抑鬱症做點甚麼,卻一直連一個字也沒打過。如果我的大腦裡真的有阿愁和阿樂,當家的一定是阿愁和阿驚,然後就是阿忟和阿燥。阿樂?其實一般佢都唔洗番工嘅~幾happy! 渉及到Sadness的有Melancholy, Despair, Self-loathing, Anxiety, Betrayal。um......查完字典都覺得好可怕。 其實大腦唔會無端端就有呢班腦朋友,係因為「有某些化學物質,如血清素(Serotonin)和去甲腎上腺素(Noradrenaline)對情緒有很大的影響,若這些物質於腦部內的含量有改變,則情緒控制亦會受到影響。」即係決定阿樂阿愁阿忟阿燥阿驚今期邊個話事嘅幕後黑手咁。 如果有一日,同男朋友分手又好,比老細鬧又好,終於到阿愁做大當家了,大腦就會釋放一些化學物質如腎上腺素(adrenaline)、去氫上男性酯酮 (DHEA)與皮脂醇(cortisol)er......可能係阿愁整咗一個個水晶球咁掛~但係當時間一長,就會有過多嘅水晶球,尤其是果款叫「皮脂醇」嘅水晶球。呢D水晶球越積越多,多到勁過果班幕後黑手,反過嚟話事,可能引發抑鬱症。 簡單一句係,抑鬱症係一種心理生理俱病的症狀。患者會: 1. 持久的情緒低落。 那種不開心的感覺是一天二十四小時都存在,而且揮之不去,維持數星期的。情緒會長期地極度低落和不開心,怎樣設法去紓緩都不能將之提升。 2. 對周圍事物失去興趣。 患者會對以前都喜歡做的事失去了興趣。以前喜歡打麻將或唱歇,現在就算開定了枱約好了腳,也不願意打牌。就算去到卡拉OK也不願唱歌了。以上兩點病徵,是所有抑鬱症患者都會有的。 3. 悲觀消極 嚴重的患者對現在的一切皆感到悲觀消極,對自己會看成痛苦沮喪和自覺無用。並且經常自我責備、有罪惡感及有自殺念頭。患者對未來感到「無希望」,對現在感到「無用及無價值」而對過去卻充滿「怨恨和自咎」。 4. 暴躁易怒、焦慮煩躁、記憶力衰退。 5. 身體感覺容易疲倦。 6. 失眠 失眠是抑鬱症患者常有的徵狀。有時候會不能入睡,有時候會感到睡眠質素欠佳,也會早醒。 7. 食慾及體重下降。 8. 便秘。 9. 行動緩慢、反應遲鈍。 10.性機能減退。 11. 自閉 有些時候,心理上變得不願外出,令社交圈子縮窄,集中精神有困難等。 12. 妄想、幻覺 er......都係果D老套嘢啦~值得留意嘅係1-3個徵狀「持久的情緒低落」「對周圍事物失去興趣」「悲觀消極」,呢3個徵狀就足已形成一個循環,玩死患者。個cycle是咁的: 例如男朋友請食好嘢》因為「悲觀消極」就覺得D嘢貴夾唔飽好徙錢》於是成餐飯都提唔起勁「對周圍事物失去興趣」》食緊果時已經唔好面色,食完飯仲要覺得好浪費,結果就同男朋友大吵一鑊,嚟個冷戰就番去「持久的情緒低落」》然後番工又「對周圍事物失去興趣」做錯晒嘢⋯⋯無限loop,直至有一刻,患者會覺得自己一無事處,唔死都無用,bye bye 患者身邊嘅人普遍會話:睇開啲啦!唔好唔開心啦!積極啲啦!凡事向好看呀!之類之類嘅說話,作為患者,我只係想同呢D人講:「收聲啦!抑鬱症嘅你識條鐵咩!」(highlight強調聽親都好憤怒!)是真的,並唔係因為阿燥撞到我個control panel。抑鬱症患者某程度上係因為生理問題而影響情緒,如果不求甚解的叫佢地「開心啲啦!」,「悲觀消極」會令佢地做唔到,然後會開始覺得點解連開心咁簡單都做唔到,自己好鬼無用。同埋個個叫你開心D啦,佢地會諗自己係咪己經阻住人happy。於是乎就會出現「持久的情緒低落」,久而久之,為咗唔好影響別人同埋覺得自己真係又阻位地球轉又麻煩,就會咩都唔想做「對周圍事物失去興趣」。所以,一句求其嘅說話足以殺死人。 作為抑鬱症患者嘅身邊人,無論係伴侶/家人/朋友,都請具備一份耐性和細心。需要耐性,是因為你問的問題,患者未必會答。你說的話,患者未必會反應。你做的事,患者未必會感動。當他只哭不語,請不要發惱。一個擁抱就已經很好了。需要細心,是因為抑鬱症並不是傷風感冒,沒有表面徵狀可以知道。患者的不言不語,未必是單純的身體疲累,可能是阿愁又當家了。如果患者對一向最喜歡的事也沒了興趣的話,那就是一個無形的警號了。 最後,想介紹一首兒歌:《生命有價》。這首是我兒時最不喜歡的兒歌,因為我看不懂歌詞跟「生命有價」有甚麼關係。但現在再聽,才知道原來是大道理⋯⋯ https://youtu.be/uosFpMXxq6Y 《生命有價》 盡快將憂愁眼睛憂愁面孔憂愁內心 拋棄吧 找回你的微笑嘴巴一同合唱 可以嗎? 啦啦啦啦啦拉啦拉 啦啦啦啦啦啦啦 一同拍掌全力讚賞生存是有價 從哇哇一聲睜開眼睛看地球 從懂得緊握媽媽暖的手 到依依呀呀一聲兩聲仍唔夠 從爬爬行行然後曉得走 從揹起書包吸取知識不用愁 從你有佢有開始手牽手 到它朝開心傷心痛心齊嘗透 人活著實在奇妙怎猜透 願你知生命實在亦是有些意外 不用徬徨迷途只須緊記 它有無窮色彩 它有無盡的愛 願憑著自信垮過障礙賽