暑期超精彩水上活動 @黃金海岸酒店

每年暑假我同爸爸都會同小周董去一次本地遊,早知見到網上廣告知道黃金海岸酒店,第一次同MR. MEN LITTLE MISS合作,7月15日或之前預訂,仲有得平多$100,即係$1388一晚(包埋稅),仲要送埋2大1小早餐,咁抵玩!! 我地7月頭就BOOK左約埋朋友仔一齊去玩返2日1夜 ^^

一去到酒店LOBBY己經有好多影相位,地下、玻璃、連電梯入面都有好多MR MEN人物。

但呢架巨型雪糕車當然係一家大細留念的必到影相位啦~

無人幫手渣機影相? 呢度有部自拍機,可以自訂不同MR MEN主題框架,一家大細齊齊合照,之後透過EMAIL SEND返比自己,影幾多張都無問題 ^^

每晚額外多$500就可以升級入住呢間MR. MEN LITTLE MISS主題客房,房內每個角落都佈滿MR. MEN LITTLE MISS的不同角色,連床單都係MR MEN,小周董即時來個午睡,抖足精神就去玩囉!!

小睡過後就梗係即刻去玩水水啦,去多用途活動場地暢玩四款以MR. MEN LITTLE MISS為主題的戶外充氣水上遊戲,包括兩道滑水梯、夏日遊船樂和水槍對決戰,小朋友玩到非常興奮。

附近仲有黃金水動樂園,媽媽同你一齊玩都成身濕晒呢 :p

呢度連鏟沙都有得玩,小周董未夠力,媽媽幫你一齊努力啦!! 哈哈

而爸爸媽媽就最鐘意酒店入面呢個全新裝修的游泳池,入面有2條滑梯真係好快好刺激,我玩左成4、5次,而小朋友就可以免費借用呢D大型水泡,小周董坐係條大海豚度玩水,不知幾嘆呢。

玩完水又到食晚飯時間,如果想方便可以揀係酒店食自助晚餐,我地呢個package都有自助餐優惠,但因為我地約左朋友一齊去屯門三聖村食海鮮,個度D海鮮又平又新鮮,酒店坐的士過去$20唔洗跳標。食飽散步行返酒店,沿路經過海灘,可以同小朋友睇星星玩沙沙,食飽行20分鐘一D都唔覺攰,我仲覺得有少少浪漫添。^^"

第二朝訓醒就係食,酒店包左2個大人+ 1個小朋友的自助早餐,選擇都幾多,偷偷講你知,第一次食自助早餐有五香肉丁公仔面,好正啊!! 哈哈

早餐後小朋友就去左參加兩個不同的DIY工作坊,製作兩款小禮物。第一份是MR. STRONG名牌,第二份係屋型告示掛牌,我估因為有酒店姐姐幫手,所以製成品都好靚架喎!!

做完D靜態活動,小朋友又點會滿足呢? 當然要去酒店另一樣最受小朋友歡迎的鯊魚冒險島啦,入面有巨型滑梯,巨型LEGO,仲有攀石同埋跳彈床,小朋友真係玩到唔捨得走。

另外真係要讚下成間酒店真係好乾淨衛生,而且真係非常適合小朋友去,所有設施都為小朋友而設,連小朋友洗手間都一樣好可愛。

2日1夜的本地小旅行,真係話咁快就完結,小周董除左愛上去呢間酒店玩,仲愛上MR MEN添,走的時候一定要咩住酒店CHECK IN時送贈的MR. HAPPY背包,我知道黃金海岸酒店每年暑假都會有不同主題,我地己經講定出年一定要再來,因為真係太好玩亦太啱小朋友玩啦^^

酒店優惠仲包括呢D,可以比大家作個參考 :

l      入住豪華海景客房一晚

l      自助早餐 (2位成人及1位小童)

l       MR. HAPPY背包乙個(每次入住計)

l      「MR. STRONG名牌製作坊」乙節

l      「屋型告示掛牌製作坊」乙節

l      「尋找MR. MEN LITTLE MISS角色遊戲」乙節

l       免費使用「MR. MEN LITTLE MISS閱讀閣」(名額有限、先到先得)

l       戶外充氣水上遊戲各乙節(兩款滑水梯、夏日遊船樂及水槍對決大戰)

l       晚間卡通時段乙節,連無限爆谷、汽水及橙汁供應 (只限星期五及日入住的客人)

l       晚間卡通時段及遊戲乙節,連無限爆谷、汽水、橙汁及雪糕供應 (只限星期六入住的客人)

l      「鯊魚冒險島」乙節

l      免費無線上網

l      免費使用黃金水動樂園、至Kids遊樂園、戲沙池、游泳池及健身中心

l      免費享用由酒店往返尖沙咀、荃灣或青衣穿梭巴士服務 (名額有限,先到先得)

l      以優惠價享用自助晚餐*

小童套票:

l      額外每位小童只需港幣$380,即可享住宿計劃所包括之各項優惠

連續入住兩晚可享:

l      額外MR. MEN LITTLE MISS功課袋乙個

l      「焗芒果酥教室」乙節

住宿計劃所包括之各項優惠

額外優惠:

l          升級至豪華海景客房連露台:每晚只需另加港幣$300

l          升級至尊尚海景客房:每晚只需另加港幣$400

有興趣可以登入酒店網址或直接致電酒店查詢及預訂啦:2452 8833

網址: www.goldcoasthotel.com.hk

 www.facebook.com/1437ritaandhim

www.facebook.com/1437ritaandhim

歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips,  U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

This entry was posted in 親子. Bookmark the permalink.